We 3 !!!

Inter kay papers kay baad aik taweel arsa farigh guzarne kay baad jab university mai dakhla hua tau bilkul university jane ka dil ni chahta tha. Shuru shuru mai Jinnah University kay naam se chirr hoti thi. Jahan har tarha ki larkion se waasta parne wala tha. Lekin jab dakhla ho hi giya tha tau yahan chaar saal tau guzarne the.

Shuru kay din bohat mauj masti mai guzre. Nae log, naya mahul, nae dost. Sab bohat acha lagne laga tha. Doston kay sath bahar ki ser-o-tafri, salgira manana, doston kay ghar jana. Waqt kay sath sath log bhi badlay aur rawaiyon ne bhi asal roop dikhaya. University kay 1.5 saal hans ro kay guzar gae.

4th semester mai dosti ka nae siray se aaghaz kiya aur shayad Allah bhi meharbaan hogae the. Tabhi unhu ne naimat ki soorat mai do esi larkion se milwaya jo waqt kay sath sath jigri aur bohat khas hogain. hum teeno ne hi shuru kay 1.5 saal mai bohat kuch khoya, bohat kuch paaya, bohat kuch samjha aur bohat kuch seekha.
Baaqi kay 3 semesters aur 1.5 saal se hum sath hain. Hum teen ki koi bhi tafri kisi aik kay baghair bhi mukamal nahi. Buses mai sath safar kiya, un ginat baar bahar ghoome, aik dosre ki maao kay hath kay khano se lutf andooz hue, aur in sab tafrihon mai se hum sea view ki tafri ko kabhi farmoosh nahi kar sakenge. Gharaz hum teen ne mil kar haseen rangon bhare pal bitaae, jo aaj bhi hamari yaadon kay canvas par poori aab-o-taab se jagmaga rahe hain.

Allah se dua hai kay hum teen ka sath yunhi saada rahe. Abhi bohat kuch aur dekhna baaqi hai. Abhi zindagi ki be shumaar manzilen hain jahan hame aik dosre ka sath nibhana hai. Agar zindagi kay kisi more par hum teen sath na bhi rahe tau hum teen ki yaadain aur duaen kbhi hamara sath nahi chorengi....