Talaaq ki sharha mai izafa,Akhir Kyun?

Talaaq Allah ta'ala ki nazar mai sakht na pasandeeda kam hai jo wo apne bandon ko karne se sakhti se mana karta hai,aur kaha jata hai jab arz-e-zameen per talaaq ka nam liya jata hai to asman kanp uthta hai,Beshak Allah hi sab ki joriyan banata hai aur ro-e-zameen per utarta hai lekin insan is bat ko kyun nahi samajh pata k kaheen uska uthaya hua aik ghalat qadam uski hast basti asdawajee zindagi ko jala kar khak kar de ga.
Talaaq ki kuch khas wajoohat hain jin ki bin'a per ye kam sarzad hota hai,hamare muashirey mai kam umar mai larki ki shadi,joint family system,zabardasti karwai gai shadiyan,bharose ki kami,apne sathi se la-taluqi ka izhar is ki waja banti hain aur ab ik aur waja bhi bohot ziada samne aney lagi hai aur wo hai parhi likhi aurat jo khud kamati ho aur kisi per bojh na ho,aj kal k daur mai jahan larki ki parhai ko ziada tarjeeh di janey lagi hai waheen is k nuqsanaat bhi samne atey jarhe hain,jab aik larki acha parh kar kaheen naukri karne lagti hai to phir wo apne ap per kisi ki hukoomat bardasht nahi kar pati,aksar shadiyan tootne ki waja ab yehi hone lagi hai k jahan mard ne zara ghussa,larai jhagra ya hath utha liya waheen larki apne ghar per akar beth jati hai aur phir sunne ko milta hai k mai uski Ghulam nahi !! aakhir ye soch hamare muashirey mai kase aur kyun kar janam le rahi hai jab k ik islami muashirey ka hissa hotey hue bhi yahan shohar ki izzat nahi ya biwi k huqooq usko nahi miltey.
Bharosa har rishte ki bunyad hai aur is bunyad ko mazboot se mazboot tar banana shohar aur biwi dono ki zimmedari hai,agar larki nokri karna chahti hai to shohar usey khushdili se qubool kare aur isi tarha larki ka bhi yehi farz hai k nokri k sath sath wo apne shohar ki bhi har jaiz bat ko ser ankho per rakh kar pura kare,aesa nahi k agar shohar ne kuch keh diya to larki is waja se apne ghar akr beth jaye k mai uski nokar nahi ya mai parhi likhi aur nokri karne wali larki hun aur apni hi bewaqofiyon ki waja se wo talaaq lene ka faisla le kar apni zindagi barbad karde.
Is silsilay mai Maa ka kirdar bhi bohot bara hai k wo apni beti ko parhai ya naukri k sath sath behtreen asdawajee zindagi guzarne ki talqeen kare,na k ye ho k maa hi usey ghalat raste per gamzan karde.Inhi sab cheezon se bach kar is Talaaq jaise na pasandeeda kam se dur rahen.