Qingqistan ya Karachi ??

Karachi ki sarkon per dandanate hue Qingqi  Sheher-e-qaid k liye aik mushkil bante jarahe hain,waise to ye sarwari kam paison mai logon ko apni taraf muta'wajjah kar rahi hai aur un k aram k liye banai gai thi liken waqt k sath sath ye awaam k liye wabaal-e-jaan ban chuki hai ,har cheez ki ziad'ti bhi bohot nuqsan-dey sabit hosakti hai aur yehi kuch karachi ki sarkon per hota hua dikhai deta hai.

Nazimabad ho ya Karimabad , Guru mandar ho ya lalu khait , Teen hatti ho ya Sadar gharz ye k karachi k har chotey barey road per Qingqi chalti hui dikhai deti hai,aur baat yaheen akar khatam nahi hoti hadh to yeh hai k ab ik hi route k 4 se 5 Qingqi aik sath line mai khare hue hote hain jin k jagah jagah apni marzi k stop per sawari bithane aur utarne k baa'is traffic jam aur accidents k waqaiyat rounuma horahe hain aur is sab ko traffic police aur mukhtalif elaqon ki union tamashaiyon ki tarha dekhti hui nazar ati hai.

Police aur mafia ki madad se Qinngi sheher ki har gali aur sarak per maujood hai ab hamein ye tak nahi maloom k kya un k pas fitness certificate  ya license aur legal ijazat nama hai b ya nahi,bas ye sarwari chale jarahi hai chahe kitni hi maholyati aaludgi sheher ko ganda kare,in k driveron ko is bat se koi gharz nahi hai k is ki chaath per bithane se logon ki jan ko khatra lahaq hosakta hai aur hum akhir driveron ko hi kyun bura kahen,hamare yahan ki awaam bhi be lagaam hi hai,ye jante hue bhi k is tarah bethna khatarnak hai lekin chand paison k chakkar mai apni jaan ki parwah hi nahi karte.

Ye sheher ab Karachi nahi balkey QINGQISTAN ban chuka hai aur pata nahi kab tak bana rahe ga,aakhir kab government is per koi action le gi aur is sawari per pabandi to nahi magar ziad'ti ko kam karwaegi aur dobara karachi ki sarkon per qingqi ka zor kam hoga,ye sab sirf us waqt hosakta hai jab is sawari ko legal tor per stop diye jayen jis se sheher ka traffic maflooj na ho.