Selfie Fever

  Aik waqt mai cameron se taseeweren banwana har kisi k bas ki bat nahi hoti thi,kisi bohot khas moqey per jaise Shadi biyah ki taqreebat mai log photographer ko bulwaya karte the aur tasweeren banwate the jab k kuch logon k pas apne  camrey agar maujood hote the to apne kuch khas mawaqon per tasweeren banate the liken Ehed-e-hazir mai smartphones dunya k taqreeban har fard k liye zaruri ban chuka hai aur in samrtphones mai back aur front camera logon k yadgar lamhon ko qaid karta hai,waqt k sath sath science ne itni tarraqi kar li k ab har fard k mobile mai camera maujood hai aur log us se apni tasweeren khenchte hue nazar atey hain.

Isi camera se log apni tasweer khud se bhi khench sakte hain jo k SELFIE khelati hai aur yeh tamam tasaweer kisi khas mawaqon pe nahi balkey din bhar mai jo bhi routine raha ho us mai apni tasweer bana kar social media(Facebook,Twitter,LinkedIn) wagera per apne family aur friends k sath share karte hue nazar atey hain aur ab Selfie ka bukhar Larkiyon mai ziada dekha jarha hai k har lamhe per koi na koi tasweer social media per share kar rahi hoti hain,yehi nahi ab to selfie friend group k sath bhi li jati hai aur ye aik naya tareeqa hai lamhon ko yadgar banane k liye aur ye bukhar larki ho ya larka sab ko hota jarha hai aur apni jarein mazboot ka raha hai.

Ye shoq aam insan k sath sath aj kal k Celebrities,Singers aur Politicians mai bhi barh raha hai,award function ho ya koi conference har jagah selfie ka rujhan barhta hua dekhai de raha hai.

Psychologically research k mutabiq apni tasweer banana ya sheeshe k agey khud ki tasweer khenchna insan k zehan pe manfi asar mur-atib karta hai aur is se insan mai khudpasandi ka ansar barhta chala jata hai aur wo zehe mai ye sochne lagta hai k mujhe ab tasweer share karni hai aur har wat isi fikr mai ghulta rehta hai jis k ba'is zehan kuch sochne k salahiyat ko kam kar deta hai.

Har cheez ik hadh mai achi lagti hai,uska ziada istemaal aksar ghalat asraat ko janam deta hai jis se kafi nuqsanaat uthane parte hain khas kar larkiyon ko,har waqt ki tasaweer social media per share karna larki k liye ghalat sabit hosakta hai kyun k unki ye tasaweer mehfooz nahi hoteen.behtar hai k is shoq ko adat na banaya jaen takey is k nuqsanaat se bacha jasake.